गायनपछि चलचित्र निर्देशनमा लाग्ने तयारीमा एकराज

काठमाडौं । संगीत नै दुः ख साथी हो । संगीत कला हो । शब्दलाई चिन्नु संसारलाई चिन्नु जस्तै संगीतको साधनामा रमाउने मान्छे कहिल्यै पनि थाक्दैनन्, कलाले बुनेको संसार नै छुट्टै हुन्छ । यसको एक पात्र हुन्, एकराज थापा ।

सल्यान जिल्लाको छत्रेश्वर गाउँपालिका १ दमाचौरमा जन्मिएका एकराज सानैदेखि गीत संगीतमा रमाउने गर्थे । बाल्यकालदेखि नै धेरै दुःख गर्दै गरेका उनी घाँस, दाउरा जाँदा साथीसंगीसँग आफ्नो संगीतमार्फत आफ्नो दुःख पोख्ने गर्दथे ।

०५८ सालदेखि लोकदोहोरी प्रतियोगितामा भाग लिदैं आएका थापाले थुप्रै पुरस्कार समेत हात पारेका छन् । सांगीतिक यात्रामा रमाउँदै उनी ०६८ सालमा राजधानी भित्रिए । उनले आफ्नै शब्द संगीत र स्वरमा पहिलो गीत रेकर्ड गरे, त्यो पनि प्रिज्म रेकडिङ स्टुडियोमा ।

उनले आफ्नो आवाजमा ‘खेल्छौ कलबिरे,  ऋण लाएर प्रदेश भको छु’ जस्ता दर्जनौ लोक गीतमा स्वर भरिसकेका छन् ।

उनले निगालोको डोको बोलको गीतमा अभिनय समेत गरेका छन् । चलचित्रमा समेत अभिनय गरिसकेका उनले एक दर्जनभन्दा बढी म्युजिक भिडियोमा निर्देशन पनि गरेका छन् ।

यो वर्ष उनी ४ वटा चलचित्रमा निर्देशन गर्ने तयारीमा जुटेका छन् । उनी हाल नेपाली कथानक चलचित्र ‘विराजमान’को सहायक निर्देशन हुन् । उनले सहयात्री कला केन्द्र स्थापना गरी नृत्य सिकाउँदै आएका छन् ।

‘म आफुलाई अभिनय र निर्देशकको रुपमा पनि चिनाउन चाहन्छु’ उनले भने, ‘म कलामै रमाउन चाहने भएकाले मैले यो क्षेत्रमा निरन्तर संघर्ष गरिरहने छु ।’