चियासँग कविता कार्यक्रमको पाँचौं श्रृंखला सम्पन्न

धनकुटा । चियासँग कविता कार्यक्रमको पाँचौं श्रृंखला सम्पन्न भएको छ ।

चियासँग कविता कार्यक्रमको पाँचौं श्रृंखलामा जिल्ला समन्वय समिति धनकुटाका प्रमुख निरेन तामाङले धनकुटामा पछिल्लो समय साहित्यीक गतिविधि चलयामान भएको देख्दा खुसी लागेको बताएका छन् ।

प्रत्येक शुक्रबार धनकुटामा हुँदै आएको चियासँग कविता कार्यक्रको पाँचौं श्रृंखलाका समन्वय प्रमुख तामाङ चियासँग कार्यक्रम धनकुटामा रहेका साहित्यप्रेमीका लागि जमघट हुने राम्रो आधार भएको पनि बताए । धनकुटामा साहित्यको विकास हुन जरुरी रहेको बताउँदै उनले नयाँ पुस्ताका लागि उचित प्लेटफमको आवश्यकता रहेको बताए ।

सो कार्यक्रममा धनकुटा बहुमुखी क्याम्पसका उपप्राध्यापक डा. यज्ञप्रसाद गुरागाइँले धनकुटा साहित्यीक भुमी भएको र अझ यसलाई मलजल गर्न चियासँग कविता कार्यक्रमले मद्यत गरेको बताए ।

नेपाल पत्रकार महासंघ धनकुटाको हलमा भएको सो कार्यक्रममा राष्ट्रिय अनुसन्धान कार्यालय धनकुटाका प्रमुख रुद्र गुर्वाछान मगर, दलित महिला संघ फेडो धनकुटा अध्यक्ष लक्ष्मी परियार, नेपाल अर्वुद रोग निवारण संस्था धनकुटाका अध्यक्ष डा. सम्पदा श्रेष्ठ, नेपाल भारतमैत्री संघ धनकुटाका अध्यक्ष महेशराज श्रेष्ठ लगायतले कार्यक्रममको सफलताको शुभकामना दिएका थिए ।

पछिल्लो समय धनकुटामा हुँदै आएको चियासँग कविता कार्यक्रमप्रति साहित्यप्रेमीहरुको चासो बढ्दै गएको छ । रेडियो धनकुटा एफएमको संयोजनमा भएको चियासँग कविता कार्यक्रमको पाँचौं श्रृंखलामा भीम राई, गोपाल बराइली, निर्मला कुँवर, मीनप्रसाद अधिकारी, बद्री प्रसाद अधिकारी, सन्जय सयल, सन्देश सुब्बा, भुषण श्रेष्ठ लगायतले आफ्ना सिर्जना प्रस्तुत गर्नुभएको थियो भने गायक गौरवनारायण राईले गीत प्रस्तुत गर्नुभएको थियो । फागुन २ गते शुरु भएको चियासँगै कविता कार्यक्रम प्रत्येक शुक्रबार दिँउसो ३ बजेदेखि नियमित हुँदै आएको छ ।