प्रचण्डको निर्देशन लत्याएको भन्दै पंचा र हितमानको विरोध

काठमाडौं । माओवादी केन्द्र निटक विद्यार्थी संगठन अखिल(क्रान्तिकारी)ले लामो समय पछि संगठनको पदाधिकारी टुङ्गो लगाएको छ । २२ औं राष्ट्रिय सम्मेलनमा विवादका कारण अध्यक्ष बाहेक कमिटी टुंगो लाग्न सकेको थिएन । केही समय पहिले बैठक मार्फत केन्द्रिय कमिटी घोषणा गरेको क्रान्तिकारीले जुम बैठक मार्फत पदाधिकारी घोषणा गरेको हो ।

दुई दिन चलेको जुम बैठकमा विद्यार्थीका प्रदेश र विभाग र विश्व विद्यालय समितिले आफ्नो रिपोर्टिङ राखेका थिए । अघिल्लो दिन प्रमुख अतिथि विद्यार्थी फ्याक्सन इन्जार्ज हितमान शाक्य थिए । भने दोस्रो दिन पार्टी अध्यक्ष प्रचण्ड प्रमुख अतिथिको रूपमा उपस्थित भएर बैचारिक राजनीतिक प्रशिक्षण दिएका थिए । प्रचण्डले पार्टीको बैचारिक राजनीति लाइनलाई बुझेर युवा विद्यार्थीलाई माओवादी स्कुलबारे सचेतता पूर्वर्क गोलबन्ध गर्न आग्रह गरे ।सो क्रममा अध्यक्ष प्रचण्डले युवाहरुलाई पार्टीमा जिम्मेवारी दिने र लिडरसिपको रूपमा विकास गर्न पार्टीको नीति निर्माण तहमा र चुनावमा उम्मेदवार बनाउन अधिकतम पहल गने बताए ।

विद्यार्थी संगठनमा चुनावका कारण अस्वस्थ प्रतिस्पर्धा भएको र पार्टी संगठन बुर्जुवा करण हुने खतराले संगठनमा अधिकतम सहमतिको लागि जोड दिइएको बताए ।तर उनले संगठनको आन्तरिक प्रतिस्पर्धालाई ब्यवस्थित गर्न चुनाव विरोधी नभएको समेत प्रष्ट पारे ।

चुनाव मुखैमा रहेको विद्यार्थी संगठनको विभाजित मनोबिज्ञानबारे आफु जानकार रहेको भन्दै प्रचण्डले अहिले चुनावमा ध्यान केन्दित गर्न आग्रह गरेका थिए । उनले भने,`अहिले चुनाव केन्द्रित भएर अल्पकालीन रुपमा कार्यविभाजन गरेर जानुस्, नेतृत्वको रक्षा र आन्दोलन रक्षा गरेर चुनावमा पार्टीका प्रतिनिधिलाई जिताउन ध्यान केन्दित गर्नुस् ।चुनाव पछी विवादबारे व्यापक छलफल गरौंला ।´

अखिल(क्रान्तिकारी)का एक नेताले भने, अध्यक्षको बिचार पार्टीलाई सहयोग गर्न विद्यार्थी भित्रका समस्यालाई थाती राखेर चुनावमा ध्यान केन्द्रित गर्ने भन्ने थियो ।, हामी पनि अध्यक्ष प्रचण्डको निर्देशन अनुरुप अध्यक्ष पंचा सिंह र फ्याक्सन इन्चार्जले निर्णय लिनुहुने छ भन्ने ठानेका थियौं तर उहाँहरुले त आफू दुई जना अनुकुल भागबन्डा गरेर अध्यक्षको निर्देशन लत्याउदै मनोमानी गर्नुभयो । ´ उनले थपे, यसले संगठनको समस्या समाधान गर्ने भन्दा जटिलता पैदा गर्छ, पंचा सिंह र हितमान शाक्य क्रान्तिकारी संगठनको धज्जी उठाउन लागे हामी त्यसको प्रतिवाद गर्छौं ।'