चोलेन्द्रलाई बोकेर चुनावमा जान नकिँदैन : एमाले सांसद

काठमाडौं । सरकारले प्रधानन्यायाधीश चोलेन्द्रशम्शेर जबरा विद्ध महाभियोग दर्ता गरेपछि कडा प्रतिरोध गर्ने मोडमा पुगेको नेकपा एमालेका सांसदहरुले जबरालाई ‘बोकेर’ चुनावमा जान नसकिने बताएका छन् ।

सोमबार बसेको संसदीय दलको बैठकमा पनि एमाले अध्यक्ष ओलीले नेतृत्वले जे सुकै सोचेर निर्णय लिएको हुनसक्ने भन्दै त्यसलाई मानेर जानुपर्ने बताएका छन् । यद्यपि के गर्ने भनेर बताएका छनन् ।

सोमबार बसेको एमाले संसदीय दलको बैठकमा पछिल्लो राजनीतिक घटनाक्रमबारे ब्रिफिङ गर्दै अध्यक्ष केपी शर्मा ओलीले प्रधानन्यायाधीश चोलेन्द्रशमशेर राणाविरुद्ध महाभियोग प्रस्ताव दर्ता गरेर गठबन्धनले मुलुकमा अस्थिरता निम्त्याउन खोजेको बताएका थिए । तर बैठकमा बोल्ने सांसदहरुले जबरालाई बोकेर हिड्दा निर्वाचनमा नराम्रो सन्देश जाने बताए ।

जबराविरुद्ध सत्तारुढ गठबन्धनले आइतबार संसदमा महाअभियोग दर्ता गराएको छ । त्यसको प्रतिवादमा एमालेले पनि चार न्यायाधीशलाई महाअभियोग दर्ता गर्ने तयारी छ ।

अहिले सांसदहरुले धारणा राखिरहेका छन् । अहिलेसम्म १० जना सांसदले बोलेका र अधिकांशले जबरा र मिलेनियम च्यालेन्ज कम्प्याक्ट (एमसीसी) बोकेर चुनाव जान नसक्ने बताएका छन् ।