भारतीय कम्पनी अल्केम ल्याबोरेटरीको औषधि  ‘पिरिमाइड’ गुणस्तरहीन   

काठमाडौँ । भारतीय कम्पनी अल्केम ल्याबोरेटरी लिमिटेडको औषधि पिरिमाइड (निमेसुलाइड १०० एमजी) गुणस्तरहीन भएको पुष्टि भएको छ ।

शनिबार औषधि व्यवस्था विभागले एक सूचना जारी गर्दै बजार अनुगमनको क्रममा सो औषधि न्यून गुणस्तरको पाइएको बताएको हो ।

विभागले सो औषधि बिक्रि वितरण रोक्का गरी बजारबाट तुरुन्त फिर्ता गर्न अनुरोध गरेको छ । साथै उक्त औषधि सिफारिस र प्रयोग समेत नगर्न र नगराउन पनि अनुरोध गरेको छ ।