सर्वदलीय बैठकमा देउवाले के प्रस्ताव राखे, जुन एमाले नेताहरुले ठाडै अस्विकार गरे

राष्ट्रिय सभाको निर्वाचन २५ माघमा गर्न प्रधानमन्त्री देउवाले प्रस्ताव गरेका थिए। तर, पूर्व सभामुख समेत रहेका एमाले नेता सुवाष नेम्वाङले त्यसको विरोध गरेको  बैठकमा सहभागी एमाले उपाध्यक्ष भीम रावले बताए । उनका अनुसार एमालेकाे तर्फबाट १० माघभित्र गर्नुपर्ने प्रस्ताव गरिएको थियो ।

‘पहिले राष्ट्रिय सभा सदस्य ऐन आएन भनियो, अब राष्ट्रपतिबाट अब ऐन जारी भइसकेको अवस्था छ’ बैठकमा एमालेको तर्फबाट राखिएको अडानबारे थप जानकारी दिँदै एमाले नेताहरुले भने, ‘अनेक बहाना गरेर राष्ट्रिय सभा निर्वाचनको मिति लम्ब्याउन पाइन्न ।’

राष्ट्रिय सभा निर्वाचनको मिति २५ माघमा पुर्‍याउनुपर्ने कुनै कारण नै छैन। ‘बाँकी सबै निर्वाचन भइसकेका छन्, अब को को मतदाता हुन् भन्ने कुरा प्रष्ट छँदैछ’ , ‘जब मतदाता को को हुन् भन्ने प्रष्ट छ भने अब निर्वाचनको मिति लम्ब्याउने कुरा हामीलाई मान्य नहुने एमालेको धारणा छ।

प्रदेश प्रमुखको नियुक्ति र प्रदेशको अस्थायी केन्द्रलाई आधार बनाएर राष्ट्रिय सभा निर्वाचनको तिथि तोक्न ढिलाई गरिएको दावी पनि एमाले नेताहरुले गरेका थिए।