पौडेलविरुद्धको बागी जोशीको उम्मेद्वारी व्यक्तिगत टकराव : प्रधान

काठमाडौं । नेपाली कांग्रेसका बरिष्ठ नेता रामचन्द्र पौडेलविरुद्ध बागी उम्मेदवारी परेपछि विभिन्न चर्चा परिचर्चा चलेको छ । कतिपयले यसलाई व्यक्तिगत टकरावको रुपमा लिएका छन् भने कतिपयले यसलाई सामान्य भनेका छन् ।

तर, नेपाली कांग्रेसभित्रकै एक प्रभावशाली मानिने एक नेताले भने रामचन्द्र पौडेलविरुद्ध गोविन्दरज जोशीले दिएको बागी उम्मेद्वारीलाई व्यक्तिगत टकराव भएको बताएका छन् ।

रक्षामन्त्रीसमेत रहेका भीमसेनदास प्रधानले अहिले चुनावको मुखमा कांग्रेसभित्र गुटैगुट हुनु सामान्य रहेको बताए । ‘हरेक पार्टीमा गुट छ, अमेरिकाको डमोक्रेटिक पार्टीमा त ओबामा र हिलाी क्लिन्टनहरुको बेग्लाबेग्लै गुट छ’ प्रधानले भने, ‘नेपालमा त झन नेतौ पिच्छे गुन हुनु कुनै नौलो होइन ।’

उनले उम्मेद्धवारी दर्ताको बेला बागी उम्मेद्धवारी दर्ता भएको घटनालाई नौलो रुपमा नलिन आग्रह गरे । ‘गोविन्दराज जोशी जीले रामचन्द्रजीको विरुद्धमा उम्मेद्धवार दिनु गुट होईन, यो त धेरै पहिलेदेखिको व्यक्तिगत टकराव हो’, शुक्रबार रिपोर्टर्स क्लब नेपालले आयोजना गरेको कार्यक्रममा उनले भने, ‘पार्टीगत होईन, यसले केही असर गर्दैन ।’