आईपीएलमा मुम्बईले दियो राजस्थानलाई १८८ रनको लक्ष्य

काठमाडौं । भारतमा जारी बाह्रौँ संस्करणको इन्डियन प्रिमियर लिग (आईपीएल) अन्तर्गत शनिबारको पहिलो खेलमा मुम्बई इन्डियन्सले राजस्थान रायल्सलाई १८८ रनको लक्ष्य दिएको छ।

टस हारेर पहिले व्याटिङ थालेको मुम्बईले निर्धारित २० ओभरमा ५ विकेट गुमाउँदै १८७ रन बनाएको हो। मुम्बईका लागि क्विन्टिन डि ककले ५२ बल खेल्दै चार छक्का र ६ चौकाको मद्दतमा सर्वाधिक ८१ रन बनाए। यस्तै कप्तान रोहित शर्माले ४७, हार्दिक पाण्ड्याले २८ र सूर्यकूमार यादवले १६ को योगदान दिए। अघिल्लो खेलमा पञ्जाव विरुद्ध ३१ बलमा ८३ रनको विस्फोटक पारी खेलेका करण पोलार्ड मात्रै ६ रनमा आउट भए।

बलिङतर्फ राजस्थानका जोफ्रा अर्चरले सर्वाधिक तीन विकेट तथा धवल कुलकर्नी र जयदेव उनाड्काटले एक–एक विकेट लिए।

मुम्वई ८ अंकका साथ अंकतालिकाको तेस्रो स्थानमा छ भने राजस्थान २ अंकका साथ सातौँ स्थानमा रहेको छ। १८८ रनको लक्ष्य पछ्याएको राजस्थानले भर्खरै जवाफी व्याटिङ थालेकाे छ।