महिलाले भारतमा अन्तर्राष्ट्रिय प्रतियोगिता खेल्ने

काठमाडौं । नेपाली राष्ट्रिय महिला फुटबल टिमले भारतमा अन्तर्राष्ट्रिय प्रतियोगिता खेल्ने भएको छ । भारतीय फुटबल महासंघको निमन्त्रणालाई नेपालले प्रतियोगिता खेल्न लागेको हो ।

भारतले आयोजना गर्ने प्रतियोगिता भारतको उडियाको भुवनेश्वरमा फेब्रुअरी ७ देखि १७ गतेसम्म सञ्चालन हुनेछ । प्रतियोगितामा नेपालसहित भारत, श्रीलंका र म्यानमार सहभागी हुनेछन् ।

दक्षिण एसियाली फुटबल प्रतियोगिता साफ र ओलम्पिक छनोटको तयारीमा रहेको नेपालले अन्तर्राष्ट्रिय प्रतियोगितालाई तयारीको रुपमा लिएको छ । नेपाली महिला टिम यतिबेला साफ फुटबलको तयारी गरिरहेको छ ।