एन्टा कप आजदेखि सुरु हुँदै

काठमाडौं । अखिल नेपाल टेबल टेनिस संघको आयोजनामा हुन लागेको प्रथम एन्टा कप राष्ट्रिय जुनियर टेबल टेनिस प्रतियोगिता आजदेखि सुरु हुँदैछ । प्रतियोगितामा १६ जिल्ला र दुई विभागीय टोलीको सहभागिता रहनेछ भने १ सय ५० खेलाडिहरू सहभागी हुने आयोजकले जनाएको छ ।

प्रतियोगितामा एकल र समुहमा गरी विभिन्न १० स्पर्धामा प्रतिस्पर्धा हुनेछ । माघ ८ गतेसम्म चल्ने प्रतियोगिता लैनचौरस्थित राष्ट्रिय टेबल टेनिस प्रशिक्षण केन्द्रको हलमा हुनेछ ।