नेविसंघको आपसी ग्याङ फाइटमा एक विद्यार्थी घाइते

 काठमाडौं । कांग्रेस निकट नेपाल विद्यार्थी संघका दुई पक्षबीच खुकुरी हानाहान भएको छ। त्रिचन्द्र कलेजमा नेविसंघका दुई पक्षबीच ग्याङ फाइट हुँदा एक विद्यार्थी गम्भिर घाइते भएका छन् ।

विद्यार्थीहरुबीच भएको खुकुरी हानाहानमा परी म्यागी गुरुङ गम्भिर घाइते भएका हुन् । उनलाई उपचारका लागि ट्रमा सेन्टर पठाइएको प्रहरीले जनाएको छ ।
घटनामा संलग्न तीनजनालाई प्रहरीले पक्राउ गरेका छ ।

पक्राउ पर्नेहरुमा अनिल तामाङ, सौरभ श्रेष्ठ र सहदेव नेपाल रहेका दरबारमार्ग प्रहरी वृतका डीएसपी दानबहादुर मल्लले जानकारी दिए ।