एमाले नेता खनालले जनप्रतिनिधिलाई भने : जन भावनाअनुसार काम गर्नुस्

इलाम। पूर्वप्रधानमन्त्री तथा नेकपा (एमाले)का वरिष्ठ नेता झलनाथ खनालले जनताका भावनाअनुसार स्थानीय तहमा काम गर्न जनप्रतिनिधिलाई आग्रह गरका छन् । 

एमाले १ नं. प्रदेश कमिटीले इलाम सदरमुकाममा आयोजना गरेको प्रशिक्षण कार्यक्रमलाई बुधबार सम्बोधन गर्दै नेता खनालले जनप्रतिनिधिबाट जनताले धेरै आशा गरेका छन्, सोहीबमोजिम काम गर्नुस् भने । 

स्थानीय तह, प्रदेश र केन्द्रको निर्वाचन सम्पन्न हुन गइरहेको अवस्थामा सबै प्रदेशबाट एमाले पहिलो पार्टी हुने बताए । सरकारले प्रदेश र सङ्घको निर्वाचन मिति तोक्न ढिलाई गरेकामा आपत्ति जनाए । 

निर्वाचनपछि मुलुक आर्थिक समृद्धितर्फ उन्मुख हुने बताउँदै राष्ट्रलाई सम्मुन्नत बनाउने खालका अग्रगामी योजना ल्याउन समेत जनप्रतिनिधिलाई आग्रह गरे। 

प्रशिक्षण कार्यक्रमलाई एमालेका महासचिव ईश्वर पोखरेल, सचिव भीम आचार्यलगायतले नेताहरूले प्रशिक्षण दिएका छन् । प्रशिक्षण कार्यक्रममा प्रदेश नं. १ बाट स्थानीय तहमा निर्वाचित ३०० भन्दा बढी जनप्रतिनिधिको उपस्थिति रहेको थियो ।