कस्तो केरा खानु हुन्छ र कस्तो खानु हुँदैन ? जान्नैपर्ने यी कुराहरु

काठमाडौं । हामी नेपालीहरुले जुनसुकै बेला पनि केरा खाने गर्छौ । स्वास्थ्यका लागि उपयुक्त हुने भउकाले पनि हामी सबैले केरा मन पनि पराउँछौं । तर, सबै प्रकारका केरा खानु हुँदैन ।

केरामा पोटाशियम, फोलेट, कार्बनडाइअक्साइड र ट्रिप्टोफ्यान जस्ता पोषक तत्वहरु पाइन्छ । यो स्वास्थ्यका लागि फाइदाजनक मानिन्छ । पोषक तत्वले भरिएको केराले कहिले काँही बेफाइदा पनि गर्छ । केरा पकाउने र पाक्ने प्राकृतिक प्रक्रिया हुन्छ । तर, कहिलेकाँही पाकेको केराले शरीरलाई बेफाइदा गर्छ ।

धेरै पाकेको केरा
स्वास्थ्य विशेषज्ञका अनुसार धेरै पाकेको केरा सेवन गर्नु स्वास्थ्यका लागि हानिकारक मानिन्छ । धेरै पाकेको केराको बोक्रामा कालो धब्बाहरु आउँछ । यस्तो केरामा स्टार्च कम हुन्छ । जुन चिनीमा परिवर्तन हुन्छ । धेरै पाकेको केरामा चिनीको मात्रा १७.४ ग्राम हुन्छ भने, हल्का पाकेको केरामा १४.४ ग्राम हुन्छ ।

फाइबर कम भएको केरा
धेरैभन्दा धेरै पाकेको केरामा फाइबरको मात्रा कम हुन्छ । यसमा जम्मा १.९ ग्राम फाइबर पाइन्छ भने, हल्का पाकेको केरामा ३.१ ग्राम फाइबर हुन्छ । धेरै पाकेको केरामा भिटामिन ए, भिटामिन बी६, भिटामिन के पनि कम हुन्छ । यसले रगतमा ग्लुकोजको मात्रा बढाउँछ ।

पहेँलो केरा
सामान्यतयाः पहेँलो रङको केराले स्वास्थ्यका लागि फाइदाजनक मानिन्छ । यस्तो केरा खैरो भइसकेको केराभन्दा सुरक्षित मानिन्छ । यस्तो केरामा सबै प्रकारका पोषक तत्वहरु पूर्ण रुपमा पाइन्छ ।

हरियो केरा
हरियो केरा अर्थात कम पाकेको केरा स्वास्थ्यका लागि फाइदाजनक मानिन्छ । किनकी यसमा चिनीको मात्रा निकै कम र रेजिस्टेन्ट स्टार्चको मात्रा धेरै हुन्छ । यसको सेवनले छिट्टै भोक लाग्दैन । विशेषगरी तौल कम गर्न चाहाने व्यक्तिहरुका लागि यस्तो केराको सेवन गर्नु उचित हुन्छ ।