धनकुटामा ३ जनामा कोरोना संक्रमण पुष्टि

धनकुटा । धनकुटामा आज कोरोना संक्रमण ह्वात्तै घटेको छ । हिजो धनकुटामा ८ जनामा कोरोना संक्रमण पुष्टि भएकोमा आज सो संख्या घटेको छ ।

आज दिउँसो ३ बजेसम्मको तथ्यांक अनुसार आज धनकुटामा ३ जनामा मात्रै कोरोना संक्रमण पुष्टि भएको छ । आज धनकुटामा कोही पनि कोरोना संक्रमणमुक्त भएनन् । हिजो धनकुटामा ८ जना संक्रमणमुक्त भएका थिए ।

धनकुटामा आज दिउँसो ३ बजेसम्म २ हजार ८ सय ८३ जनामा कोरोना संक्रमण पुष्टि भएको छ । हाल धनकुटामा सक्रिय संक्रमितको संख्या ४८ रहेको छन् भने २ हजार ८ सय ११ जना कोरोनामुक्त भएका छन् ।

संक्रमितमध्ये धनकुटामा ३५ जना होम आइसोलेसनमा रहेका छन् भने ३ जना संस्थागत आइसोलेसनमा र १० जना अस्पतालमा उपचारार्थ रहेको जिल्ला प्रशासन कार्यालय धनकुटाका सहायक प्रमुख जिल्ला अधिकारी रामनारायण श्रेष्ठद्धारा जारी गरिएको विज्ञप्तीमा उल्लेख गरिएको छ ।