धनकुटामा आज १० जनामा कोरोना पुष्टि, १३ जना कोरोनामुक्त

धनकुटा । धनकुटामा केही समययता कोरोना संक्रमण क्रमस घट्दै गएको भए पनि आज फेरि धनकुटामा कोरोना संक्रमण बढेको छ ।

पछिल्लो २४ घण्टामा धनकुटामा १० जनामा कोरोना संक्रमण पुष्टि भएको छ भने छ भने कोरोनामुक्त हुनेको संख्या भने बढ्दै गएको छ । सोही क्रममा आज धनकुटामा १३ जना कोरोना संक्रमणमुक्त भएका छन् ।

धनकुटामा हालसम्म २ हजार ८ सय ६३ जनामा कोरोना संक्रमण पुष्टि भएको छ । त्यसैगरी धनकुटामा हालसम्म २ हजार ७ सय ७९ जना कोरोनामुक्त भइसकेका छन् ।

धनकुटामा सक्रिय संक्रमितको संख्या भने घट्दै गएको छ । आजसम्म धनकुटामा ६० जना मात्रै सक्रिय संक्रमित रहेको जिल्ला प्रशासन कार्यालय धनकुटाले जनाएको छ ।

धनकुटामा हाल ४८ जना होम आइसोलेसनमा रहेका छन् भने २ जना संस्थागत आइसोलेसनमा र १० जना अस्पतालमा उपचारार्थ रहेको जिल्ला प्रशासन कार्यालय धनकुटाका सहायक प्रमुख जिल्ला अधिकारी रामनारायण श्रेष्ठद्धारा जारी गरिएको विज्ञप्तीमा उल्लेख गरिएको छ ।।