धनकुटामा फेरि उकालो लाग्यो कोरोना ग्राफ, २६ जनामा कारोना पुष्टि

धनकुटा । आइतबार शुन्यमा झरेको कोरोना संक्रमण धनकुटामा फेरि सोमबार ह्वात्तै बढेको छ ।

शुक्रबार धनकुटामा १८ जनामा कोरोना संक्रमण पुष्टि भएकोमा शनिबार १४ जनामा कोरोना पुष्टि भएको थियो । तर हिजो आइतबार भने धनकुटामा एक जनामा पनि कोरोना संक्रमण भेटिएको थिएन । तर, आज फेरि धनकुटामा २६ जनामा कारोना देखिएको छ ।

हाल धनकुटामा १ सय ७९ जना कोरोनाका सक्रिय संक्रमित संख्या १ सय ७९ जना छन् ।

जिल्ला प्रशासन कार्यालय धनकुटाले आज दिउँसो ३ बजे जारी गरेको विवरण अनुसार धनकुटामा आज ३० जना कोरोनामुक्त भएका छन् । योसँगै धनकुटामा कोरोनामुक्त हुनेको संख्या २ हजार १ सय ७५ पुगेको छ ।

सक्रिय संक्रमितमध्ये १ सय ४८ जना होम आइसोलेसनमा रहेका छन् भने १६ जना संस्थागत आइसोलेसनमा र १३ जनाको अस्पतालमा उपचार भइरहेको जिल्ला प्रशासन कार्यालय धनकुटाका सहायक प्रमुख जिल्ला अधिकारी रामनारायणा श्रेष्ठद्धारा जारी गरिएको विज्ञप्ती उल्लेख गरिएको छ ।