नेकपा प्रचण्ड–नेपाल समूहको केन्द्रीय कमिटी बैठक सुरु

काठमाडौँ । नेकपा प्रचण्ड–नेपाल समूहको केन्द्रीय कमिटीको बैठक सुरु भएको छ । पार्टी कार्यालय कोटेश्वर पेरिसडाँडामा सुरु भएको बैठकमा पछिल्लो राजनीतिक अवस्था र भावी रणनीतिबारे छलफल हुने वरिष्ठ नेता झलनाथ खनालले जानकारी दिए ।

प्रधानमन्त्री केपी ओलीले गरेको संसद् विघटनको कदमलाई सर्वोच्च अदालतले असंवैधानिक भन्दै उल्ट्याइदिएपछि उत्साही बनेको प्रचण्ड–नेपाल समूह अब नयाँ सरकार गठनका लागि कांग्रेससँग समीकरण निर्माणको कोसिसमा छ ।

यसअघि पेरिसडाँडामै स्थायी कमिटी बैठक बसेको थियो ।