ओली र प्रचण्डलाई दोश थुपार्दै बामदेवले भने, दुवैजना सेनाबिनाका कमान्डर

काठमाडौं । नेपाल कम्युनिष्ट पार्टी (नेकपा) दुई समूहमा विभाजित हुँदा तथस्ट बसेका उपाध्यक्ष बामदेव गौतमले बुधबार ‘एकता राष्ट्रिय अभियान’ घोषणा गरे । एकता राष्ट्रिय अभियान’ घोषणा गर्दा गौतमले आफु पार्टी विभाजनमा निक्कै चोखो रहेको दावी गरे ।

उनले पटकपटक पार्टी विभाजनमा केपी शर्मा ओली र पुष्पकमल दाहाल जिम्मेवार रहको दावी मात्रै गरेनन्, संसद पुनर्स्थापना भए भए ओली र प्रचण्ड एकै ठाउँमा आउने ठोकुवा गरे । उनले बारम्बार दुबैलाई दोश थुपारे पनि पार्टी एकतामा भने जोड दिए ।

प्रचण्ड र केपी ओलीतिर भएका कार्यकर्ता एकता अभियानतिर ल्याएपछि पार्टी एकता भएरै छाड्ने उनले जिकिर गरे । ‘पार्टी एकता हुँदै भएन भने के गर्ने ? भन्ने पनि साथीहरुको जिज्ञासा छ’ उनले भने ‘हुँदै भएन भने त्यतिबेला हाम्रो केन्द्रीय कमिटी बसेर निर्णय गरौंला ।’

पार्टीमा ठूला नेता विभाजित भए पनि दोस्रो र तेस्रो पुस्ताका नेताहरु अत्यन्त चिन्तित रहेको उनले बताए । उनले पार्टी एकताको पक्षमा नआए केपी शर्मा ओली र पुष्पकमल दाहाल प्रचण्ड दुवैजना सेनाबिनाका कमान्डर जस्तै हुने बताए ।

गौतमले पार्टी विभाजनपछि दुईतिर फर्किएका अध्यक्षहरु केपी शर्मा ओली र पुष्पकमल दाहाललाई एकैतिर फर्काइदिने बताए । ‘अहिले उहाँहरु दुईतिर फर्कनु भएको छ, दुईतिर फर्किएकालाई मैले एकैतिर फर्काइदिन्छु । केपी ओली कहिल्यै एकताको पक्षमा हुनुहुन्थेन । प्रचण्डजी म नहुँदा हो नभए जहिल्यै एकताको पक्षमा हो । म एकातिर जान्छु र केपीलाई प्रचण्डतिर फर्काइदिन्छु र प्रचण्डलाई केपीतिर फर्काइदिन्छु, त्यो तागत मसँग छ,’ गौतमले भने ।

उनले भने ‘पार्टी फुटे फुट्छ भनेर प्रतिनिधिसभा भंग गरियो, प्रतिनिधिसभा भंग नगरी राजीनामा दिएर राष्ट्रपतिकोमा गएको भए के हुन्थ्यो केपी ओलीको शान ? केपी ओलीको प्रतिष्ठा कति उचो हुन्थ्यो ?’

संसद विघटनले नेपालको संस्कृति नै ध्वस्त भएको उनले बताए । ‘जहाँ हामी जान खोजेको सभ्यता थियो, त्योबाट हामी धेरै तल झर्‍यौं’ गौतमले भने ।

आफूहरुले नयाँ पार्टी बनाउन नलागेको तर आफ्नो अभियानमा धेरैले साथ दिने उनले जिकिर गरे । ‘६ महिनामा काठमाडौंमा बस्न नसक्ने गरी जनता जुटाउन सक्छु, त्यो शक्ति निर्माण हुँदैछ’ गौतमले भने ।

‘अहिले उहाँहरु दुईतिर फर्कनु भएको छ, दुईतिर फर्किएकालाई मैले एकैतिर फर्काइदिन्छु । केपी ओली कहिल्यै एकताको पक्षमा हुनुहुन्थेन । प्रचण्डजी म नहुँदा हो नभए जहिल्यै एकताको पक्षमा हो । म एकातिर जान्छु र केपीलाई प्रचण्डतिर फर्काइदिन्छु र प्रचण्डलाई केपीतिर फर्काइदिन्छु, त्यो तागत मसँग छ,’ गौतमले भने ।

‘अध्यक्ष प्रचण्ड समूहलाई पार्टी एकताको पक्षमा संसद पुनःस्थापना भयो भने ल्याउन सकिन्छ । तर, केपी ओली एकताको पक्षमा कहिल्यै थिएनन्’, उनले भने, ‘सर्वोच्चले जस्तो निर्णय गरे पनि हामी एकताको अभियान मै हुन्छौँ ।’