प्रचण्ड नेपाल समूहले मुख्य सडकको बीचैमा बनायो मञ्च सवारी अवागमन अस्त व्यस्त हुँदा सर्वसाधारण मर्कामा

काठमाडौँ । नेकपाको प्रचण्ड नेपाल समूहल‍े शुक्रबार गरिरहेको विरोध प्रदर्शनका लागि भाषण गर्न मुख्य सडकको बीच भागमा मञ्‍च तयार गरेको छ ।

यसले टुडिखेलको वरिपरिको सडक भएर जाने विभिन्न ठाउँका यात्रु र सवारी प्रभावित बनेका छन् । रत्नपार्कबाट  भद्रगाली आउने सडकको प्रदर्शन मार्ग प्रवेश गर्ने र भन्द्रगाली जाने विन्दुमा मञ्‍च तयार गरिएको छ ।

यो सडक खण्ड रत्नपार्कबाट ललितपुर र भक्तपुर जाने सवारीका लागि प्रयोग हुन्छ। माइतिघर, बानेश्वरका लागि छुटिने सवारी पनि यही बाटो भएर जाने गर्छन् ।

महानगरीय ट्राफिक प्रहरी महाशाखाका अनुसार यतिबेला उपत्यकाका सबैजसो मुख्य सडकमा सवारी आगमन प्रभावित भएको छ । यसले गर्दा विरामी बोकेर अस्पताल जाने एम्बुलेन्ससहितका आपतकालिन् सेवाहरु प्रभावित बनेका छन् ।