भुवन प्यासीको ‘माइली' अन्जली बनेपछि (भिडियोसहित)

काठमाडौं । गायक भुवन प्यासीको नया गीतको भिडियो सार्वजनिक भएको छ । उनले ‘माइली’ बोलको गीत सार्वजनिक गरेका हुन्। गीतमा गायक प्यासीको नै शब्द र संगीत रहेको छ । गीतमा भुवन प्यासीलाई नारी स्वरमा सुरुचि पन्थीले साथ दिएकी छिन् ।

गीतको भिडियोमा पछिल्लो समय निकै चर्चित मोडल अन्जली अधिकारीको अभिनय रहेको छ । अन्जलीसँगै गीतमा गायक प्यासीले पनि अभिनय गरेका छन्। गीतको भिडियोलाई निकेश खड्काले निर्देशन गरेका हुन्। गायक प्यासीले यसअघि ‘हल्का हल्का’ ,ट्राफिक जाम आदि गीतहरु बजारमा ल्याइसकेका छन् ।