परियारले पाए एपिक म्युजिक अवार्ड

काठमाडौं । मोडलिङमा चर्चाको शिखर चुम्दै गरेका मोडेल इच्छाराम परियार एपिक नेपाल म्युजिक अवार्डबाट सम्मानित भएका छन् । परियारले शुक्रबार न्यू मोडेलतर्फको जुरी अवार्ड पाएका हुन् ।

उनलाई आयोजकले गायक प्रमोद खरेलले गाएको तिम्लाई झुल्ने दवाई’ बोलको आधुनिक गीतमा दमदार अभिनय गरेपछि सो अवार्ड दिएको हो । उनी एक दशकयता अभिनयमा क्रियाशील छन् । उनले ‘म मरेर के भो म जस्ता हजार पाइहाल्छौं’ लगायत झण्डै तीन दर्जन लोक तथा आधुनिक गीतहरुमा अभिनय गरिसकेका छन् ।

ओखलढुंगा घर भई हाल काठमाडौंमा रही अभिनयलाई मुख्य पेशा बनाउँदै आएका छन् । ‘निरन्तरको परिश्रमले एपिक अवार्ड जिताएको छ खुसी लागेको छ’ उनले भने, ‘अझ काम गर्ने हौसला मिलेको छ, दर्शक श्रोता, अवार्ड वितरण संस्था सबैप्रति आभारी छु ।’