रिमेकमा यस्तो सुनियो ‘पिरतीको मिठो तिर्सना’ पल, वर्षा र नाजिरको रमाईलो नाच (भिडियोसहित)

काठमाडौं । नेपाली चलचित्र बिर बिक्रम २ को ‘पिरतीको मिठो तिर्सना’ बोलको गीत सार्वजनिक गरिएको छ ।

पुरानो चलचित्र देउताको सो गीत रिमेक भर्सनमा निर्माण गरिएको हो । चलचित्रलाई मिलन चाम्सले निर्माण गरेका छन् भने उनकै निर्देशन रहेको छ ।

तारा प्रकाश लिम्बु र मेलिना राईको स्वर रहेको रिमेक गीतको भिडियो मुस्ताङमा छायाँकन गरिएको छ । गीतमा करन्जीत गजमेरको संगीत छ । कविराज गहतराजको कोरियोग्राफी गरेको सो गीतको भिडियो सुदीप बरालले खिचेका हुन् ।

चलचित्रमा पल शाह, वर्षा शिवाकोटी र नाजिर हुसेनको मुख्य भूमिका छ ।