‘सम्हालिन्छ कहिले मन’ मा दर्शकको प्यारो जोडि आकाश र पुजा

काठमाडौं । पछिल्लो समयकी चर्चित नायिका पूजा शर्माको नयाँ चलचित्र ‘सम्हालिन्छ कहिले मन’मा नायक आकाश श्रेष्ठ अनुबन्धित भएका छन् ।

केही समयअघि अनौपचारिक रूपमा घोषणा भएको चलचित्रमा आकाश फाइनल भएका हुन् । पूजा र आकाश दोस्रो पटक ठुलो पर्दामा एकसाथ देखिन लागेका हुन् । यसअघि ‘रामकहानी’मा एकसाथ देखिएको यो जोडीले चर्चा निकै छ ।

अझ भनौ पूजा र आकाशको जोडीलाई पुनः एकसाथ चलचित्रमा हेर्न चाहने जमात ठुलो छ । सुदर्शन थापाको निर्देशन रहने चलचित्रमा आकाश अघि अर्का नायक अनुबन्धित भइसकेका छन् ।

चलचित्रमा तिब्बतब सोनम तोप्देन अनुबन्धित भएका थिए । उनी यसै चलचित्रबाट डेव्यु गर्दैछन् भने यो चलचित्रमा उनको गीतपनि समावेश हुने छ । युट्युबमा कभर गीतहरु गाउने सोनमको समाजिक सञ्जालमा लोभ लाग्दो फ्यान फलोइङ रहेको छ ।

अब सम्हालिन्छ कहिले मनमा पूजासँग दुई नायक काम गर्दैछन् । नेपाल र युकेमा छायाँकन हुने चलचित्रको टिमको युकेको भिषा आइसकेको बुझिएको छ । चलचित्रका नायक–नायिकासाथै प्राविधिकहरु केही दिनमा नै छायाँकनको लागी युके उड्दैछन् ।