‘आँखाका जोर’बोलको गीत सार्वजनिक (भिडियोसहित)

काठमाडौं । रिमा गुरुङ्ग होडाको आवाजमा रहेको ‘आँखाका जोर’ म्युजिक भिडियो सार्वजनिक भएको छ ।

गीतमा राजेन्द्र थापाको शब्द सिर्जना तथा प्रकाश गुरुङ्गको संगीत सिर्जना रहेको छ भने सचिन सिंहले संगीत संयोजन गरेका छन् ।

सान्तना रेकर्डसले बजारमा ल्याएको उक्त गीतको निर्माण ४० बर्ष अघि नै एक भिडियो फिल्मको लागि गरिएको थियो । फिल्म प्रदर्शनमा आउन नसकेपछि उक्त गीत पनि सार्वजनिक हुन पाएको थिएन ।

उक्त म्युजिक भिडियोको निर्देशन तथा सम्पादन लोकेश बज्राचार्यले गरेका हुन् । हरि हुमागाईंको छायांकन रहेको भिडियोको सहायक निर्देशक रबिन श्रेष्ठ हुन् भने निशिला शाक्यको कोरियोग्राफिमा साक्षी लम्सालले प्रंशम्सनीय अभिनय प्रस्तुत गरेकी छिन् ।