‘जानी नजानी’ बोलको गीत सार्वजनिक

काठमाडौं । राजेन्द्र गौतमका शब्दमा गायक विधान कालीकोटेले नयाँ गीत ‘जानी नजानी’ ल्याएका छन् ।

करिब एक दर्जन गीतमा स्वर भरेका गायक कालीकोटेको यो गीतको भिडियोमा तुला पर्वतको संगीत रहेको छ ।

गीतमा गायिका तथा मोडल श्रृषा कुँवरको अभिनय छ । भिडियोमा श्रृषालाई नायक तथा मोडल विनोद न्यौपानेले साथ दिएका छन् ।

श्रृषाले हल्का हल्का उदाउँछ जुन बारीमा, खोला पारीमा लगायतका चर्चित गीतमा समेत काम गरिसकेकी छन् ।

तुलाको निर्देशनमा तयार भएको यो भिडियोमा निशान घिमिरेको सम्पादन, अर्जुन सापकोटाको छायाँकन छ ।