राज्य व्यवस्था समितिबाट पनि निलम्बित भए लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछाने राज्य व्यवस्था समितिबाट पनि निलम्बित भएका छन् । उनी प्रतिनिधिसभा सदस्यबाट समेत यस अघि निलम्बनमा परेका हुन् । लामिछाने निलम्बित हुनुको मुख्य कारण सहकारी बचत अपचलन, सम्पत्ति शुद्धीकरण र संगठित अपराधको मुद्दा अदालतमा दर्ता हुनु हो ।

मंगलबार बसेको राज्य व्यवस्था तथा सुशासन समितिको बैठकमा सभापति रामहरि खतिवडाले लामिछाने समितिको सदस्यबाट निलम्बित भएको पत्र पढेर सुनाएका हुन् ।