शुक्रबार ह्वात्तै बढ्यो सुनको मूल्य, तोलामा कति पर्ला ?

काठमाडौँ ।  साताको कारोबारको अन्तिम दिन आज नेपाली बजारमा सुनको मूल्यमा वृद्धि भएको छ । आज सुन ९ सय रुपैयाँले बढेको हो ।

हिजो ८८ हजार ७०० रुपैयाँ प्रतितोलामा किनबेच भएको छापावाल सुनको भाउ आज ९०० रुपैयाँले बढेर ८९ हजार ६०० रुपैयाँ पुगेको हो ।

तेजाबी सुनको भाउ पनि प्रतितोलामा ९०० रुपैयाँले नै बढेर ८९ हजार १५० रुपैयाँ पुगेको छ ।  हिजो १ हजार १२० रुपैयाँमा किनबेच भएको चाँदीको भाउ आज २० रुपैयाँले बढेर १ हजार १४० रुपैयाँ पुगेको नेपाल सुनचाँदी व्यवसायी महासंघले जनाएको छ ।