क्रमसः घट्न थाल्यो संक्रमण : मंगलबार ६०८५ जनामा कोरोना पुष्टि, ६८९८ जना संक्रमणमुक्त

काठमाडौँ । पछिल्लो केही दिनयता नेपालमा संक्रमितको संख्या भन्दा कोरोना संक्रमणमुक्त हुनेको संख्या बढी छ । मंगलबार मात्रै देशभर थप ६ हजार ८५ जनामा कोरोना भाइरसको संक्रमण पुष्टि हुँदा ६ हजार ८ सय ९८ जना संक्रमणमुक्त भएका छन् ।

पछिल्लो केही दिनयता मृतकको संख्या पनि घटेको पाइएको छ । पछिल्लो २४ घण्टामा ६८ जना कोरोना संक्रमितको मृत्यु भएको छ । यससँगै हालसम्म देशभर कोरोनाबाट मृत्यु हुनेको संख्या ७ हजार ४ सय ५४ पुगेको छ ।

स्वास्थ्य मन्त्रालयका अनुसार १७ हजार १४७ पीसीआर परीक्षण गर्दा ५ हजार २ सय ८५ र ३ हजार १८ एन्टिजेन परीक्षण गर्दा ८०० जनामा संक्रमण पुष्टि भएको हो ।

यसैगरी मंगलबार ६ हजार ८ सय ९८ जना संक्रमणमुक्त भएर डिस्चार्ज भएका छन् । यसअघि सोमबार ६ हजार २४ सय ९१ कोरोना संक्रमित डिस्चार्ज भएका थिए भने आइतबार ६ हजार २०५ जना कोरोना संक्रमित डिस्चार्ज भएका थिए ।