नेप्से दोहोरो अंकले बढ्यो, नेप्से ३७ दशमलव ७० अंकमा वृद्धि

काठमाडाैं । सेयर बजारमा परिसूचक नेप्सले नयाँ रेकर्ड कायम गरेको छ। साताको दाेस्राे दिन सोमबार सेयर कारोबार मापक नेप्से परिसूचक बढेर सेयर बजार हरियाली देखिएको छ । नेप्सेमा कारोबार हुने अधिकांश सब इन्डेक्सहरु बढेका छन् ।

धितोपत्र बजारमा साेमबार सेयर कारोबार मापक नेप्से परिसूचक ३७.७० अङ्कले वृद्धि भएको छ । नेपाल स्टक एक्सचेन्जकाअनुसार नेप्से परिसूचक दुई हजार ४०८.२४ मा पुगेको छ । सेन्सेटिभ परिसूचक ४.९५ अङ्कले बढेर ४३७.२८ मा पुगेको छ ।

कारोबार भएका कूल १२ मध्ये दुई उपसमूहको सेयर ओरालो लागेको छ । स्टककाअनुसार २०३ कम्पनीका एक करोड ३३ लाख ११ हजार ९ सय ४२ कित्ता सेयर छ अर्ब ९७ करोड २९ लाख ३६ हजार ५ सय २९ मा खरिद बिक्री भए ।

आजको कारोबारपछि कुल बजार पूँजीकरण ३२ खर्ब ४३ अर्ब ७८ करोड ७५ लाख ४० हजार बराबर पुगेको छ । बैंकिङ २०.०४, व्यापार ४९.४९, होटल १७५.०६, विकास बैंक ५३.३२, जलविद्युत् ३३.६, वित्त ३९.५५, निर्जीवन बीमा १२४.६६, उत्पादन १२०.३७, अन्य ५४.०८ र जीवन बीमा ३७९.११ अङ्कले बढ्दा लघुवित्त २७.८१ अङ्कले घटेको छ । सामूहिक लगानी कोषको एकाइ भने तटस्थ देखिएको छ ।

कारोबार रकमका आधारमा पुनर्बीमा कम्पनी शीर्ष स्थानमा रह्यो । सो कम्पनीको सेयर ५८ करोड ३३ लाख ७७ हजार ९२३ मा खरिद बिक्री भयो । नेशनल लाइफ इन्स्योरेन्स कम्पनी २९ करोड ९९ लाख आठ हजार २९७, नेपाल लाइफ इन्स्योरेन्स २७ करोड ३८ लाख ५५ हजार ४०१, सेन्चुरी कमर्सियल बैंक २६ करोड ९८ लाख ८७ हजार ४०, शिखर इन्स्योरेन्स २० करोड ६४ लाख पाँच हजार ७७९ र एनआइसी एसिया बैंकको सेयर १७ करोड ७५ लाख ५९ हजार ८० मा खरिद बिक्री भयो ।

साेमबार सेन्चुरी कमर्सियल बैंक र प्रोगेसिभ फाइनान्स लिमिटेडका लगानीकर्ताले सर्वाधिक १०/१० प्रतिशतले कमाए । यस्तै पोखरा फाइनान्स ९.९६, प्रभु लाइफ इन्स्योरेन्स ९.९५, माउन्टेन इनर्जी नेपाल ९.९१, सोल्टी होटल लिमिटेड ९.९० र तारागाउँ रिजेन्सी होटल लिमिटेडका सेयरधनीले ९.८५ प्रतिशतले कमाए ।

कालिका माइक्रोक्रेडिट डेभलपमेन्टका सेयरधनीले ७.२७ प्रतिशतले गुमाए । यस्तै गुराँस लघुवित्त वित्तीय संस्था ५.६०, सारथी नेपाल लघुवित्त वित्तीय संस्था ४.४५, सामुदायिक लघुवित्त वित्तीय संस्था ३.८६, मिर्मिरे माइक्रोफाइनान्स डेभलपमेन्ट बैंक ३.४८ र स्वरोजगार लघुवित्त विकास बैंकका लगानीकर्ताले ३.४० प्रतिशतले गुमाए ।