फेरि बढ्यो सुनको मूल्य

काठमाडौँ । नेपाली बजारमा मंगलबार सुनको मूल्य बढेको छ। अघिल्लो दिनको तुलनामा मंगलबार सुनको मूल्य तोलामा ६ सय रुपैयाँले बढेको हो।

सोमबार तोलामा आठ सय रुपैयाँ घटेर ९२ हजार दुई सय रुपैयाँमा कारोबार भएको सुनको मूल्य मंगलबार ६ सय रुपैयाँले बढेको हो । मंगलबार ९२ हजार ८ सय रुपैयाँमा सुनको कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै चाँदी पनि तोलामा २० रुपैयाँले बढेर १२ सय ५० रुपैयाँमा कारोबार भइरहेको महासंघले जनाएको छ।आइतबार र सोमबार सुनको मूल्यमा सामान्य गिरावट आएको थियो।