बढ्यो सुनको मुल्य, ५ रुपैयाँले बढ्यो चाँदीको मुल्य

काठमाडौं । नेपाली बजारमा आज सुनको मूल्य फेरि बढेको छ ।

सोमबार छापावाल सुन प्रतितोला ९५ हजार रूपैयाँमा कारोबार भउकोमा मंगलबार आज सुनको मूल्य प्रतितोला ४ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

आज नेपाली बजारमा छापावाला सुन प्रतितोला ९५ हजार ४ सय रुपैयाँमा कारोबार भइरहेको छ । तेजाबी सुन प्रतितोला ९४ हजार ९ सय रुपैयाँमा कारोबार भइरहेको छ । सोमबार तेजावी सुन ९४ हजार ५ सय रुपैयाँमा कारोबार भएको थियो ।

आज चाँदीको मूल्य भने ५ रुपैयाँले मात्रै बढेको छ । सोमबार नेपाली बजारमा चाँदी १ हजार २ सय ५ रूपैयाँमा कारोबार भएको थियो । नेपाली बजारमा आज चाँदी प्रतितोला १ हजार २ सय १० रुपैयाँमा कारोबार भइरहेको महासंघले जनाएको छ ।