पछिल्लो २४ घण्टामा ४०४७ कोरोना संक्रमित थपिँदा कुन जिल्लामा कति छन् ? (विवरणसहित)

काठमाडौं । पछिल्लो २४ घण्टामा कोरोना संक्रमण काठमाडौं उपत्यकासहित देशभर आइतबारको तुलनामा झण्डै दोब्बर बढेको छ । आइतबार केही घटेको कोरोना संक्रमण सोमबार फेरि उच्च दरमा बढेको छ ।

पछिल्लो २४ घण्टामा नेपालमा ४ हजार ४७ जनालाई कोरोना संक्रमण पुष्टि भएको छ । यससँगै कुल संक्रमितको संख्या १ लाख ११ हजार ८ सय२ पुगेको छ । पछिल्लो २४ घण्टामा थप १ हजार ४ सय ७३ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ७७ हजार २ सय २७ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यसअघि आइतबारको तथ्यांकअनुसार नेपालमा कोरोना संक्रमणमुक्त हुनेको संख्या ७५ हजार ८ सय ४ रहेको थियो ।

मन्त्रालयका अनुसार आइतबारसम्म कोरोनाका कारण ज्यान गुमाउनेको संख्या ६३६ पुगेको थियो । पछिल्लो २४ घण्टामा थप ९ जनाको कोरोनाले मृत्यु भएसँगै हालसम्म ज्यान गुमाउनेको संख्या ६४५ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा काठमाडौंमा १ हजार ८ सय ८८ जना, भक्तपुरमा १ सय १८ जना र ललितपुरमा २ सय ७७ जनासहित पछिल्लो २४ घन्टामा उपत्यकामा २ हजार २ सय ८३ जनामा कोरोना भाइरस संक्रमण भएको छ ।