डोटीमा जिप दुर्घटनामा परी १० जना घाइते

डोटी । पूर्वीचौकी गाउँपालिका–१ श्रीमामा जिप दुर्घटना हुँदा १० जना घाइते भएको छन् । धनगढीबाट अछामका लागि हिँडेको से १ ज १०६६ नम्बरको जिप शुक्रबार बिहान दुर्घटना भएको हो ।

जिप सडकबाट १०० मिटर तल खसेको जिल्ला प्रहरी कार्यालय डोटीका प्रहरी निरीक्षक कर्णबहादुर बोहराले जानकारी दिए। प्रहरी निरीक्षक बोहराका अनुसार घाइतेहरुको स्थानीय, रेडक्रसकर्मी र प्रहरीले उद्धार गरी जिल्ला अस्पताल डोटीमा ल्याइँदै छ। उक्त जिपमा भारतबाट आएका व्यक्तिहरु रहेको रेडक्रसकर्मी देवबहादुर बोहराले बताए ।