ललितपुरका मेयरको ‘घाँटी रेटीदिन्छु’ भन्ने संजय पक्राउ

काठमाडौँ । ललितपुरका महानगरपालिकाका मेयरको घाँटी रेटीदिन्छु भनी अन्तवार्ता दिने संजय शाक्यलाई प्रहरीले पक्राउ गरेको छ । ललितपुर महानगरपालिका–१३, कुसुन्ती बस्ने शाक्यले रातो मत्सेन्द्रनाथको रथयात्रा गर्ने क्रममा बिहीबार पुल्चोकमा भएको घटना सम्बन्धमा उनले मेयरको घाँटी रेट्ने अभिव्यक्ति दिएको महानगरीय अपराध महाशाखाले जनाएको छ ।

रथयात्राका क्रममा ढुंगामुढा गर्ने, उपस्थित भीडलाई उत्तेजीत गराउने व्यक्तिलाई खोजतलास गर्ने क्रममा आइतबार कुसुन्तीबाट शाक्य पक्राउ परेका हुन् । उनलाई आवश्यक कारवाहीको लागी महानगरीय प्रहरी परिसर, ललितपुर पठाइएको महाशाखाले जनाएको छ ।