पूर्व प्रधानमन्त्री माधवकुमार नेपालका ७ जना अंगरक्षकलाई कोरोना संक्रमण पुष्टि

काठमाडौँ । पूर्व प्रधानमन्त्री तथा सत्तारुढ दल नेपाल कम्युनिस्ट पार्टी (नेकपा) का वरिष्ठ नेता माधवकुमार नेपालका सात जना अंगरक्षकहरुलाई कोरोना संक्रमण पुष्टि भएको छ ।

बिहीबार गरिएको परीक्षणमा पूर्वप्रधानमन्त्री नेपालसहित अन्य सबैको रिपोर्ट भने नेगेटिभ आएको छ । रिपोर्ट भने शुक्रबार राती मात्रै आएको थियो ।

पूर्वप्रधानमन्त्री नेपालसहित परिवारका सबैजना र सुरक्षामा खटिएका सशस्त्र प्रहरीहरुको स्वाब परीक्षण गर्दा अंगरक्षकहरुको मात्र कोरोना पोजिटिभ देखिएको पूर्वप्रधानमन्त्री नेपालका स्वकीय सचिव मोहन गौतमले जानकारी दिए ।

यसअघि पूर्व प्रधानमन्त्री तथा सत्तारुढ दल नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ को अंगरक्षकहरुलाई पनि कोरोना संक्रमण पुष्टि भएको थियो ।