चितवनमा दुई नर्ससहित थपिए २६ जना कोरोना सक्रमित

चितवन । चितवनका थप २६ जनामा कोरोना संक्रमण पुष्टि भएको छ । चितवनमा संक्रमितको संख्या ३०३ पुगेको छ ।

भरतपुर अस्पताल कोभिड १९ प्रयोगशालामा बिहीबार गरिएको परीक्षणमा चितवनका २२ र अन्य जिल्लाका ४ जना गरी २६ जनामा कोरोना संक्रमण पुष्टि भएको हो ।

संक्रमितमध्ये क्यान्सर अस्पताल भरतपुरका दुईजना नर्स रहेका छन् । अन्य १९ व्यक्ति पनि भरतपुर महानगरपालिका भित्रका रहेका छन् । केही राप्ती नगरपालिकाका पनि छन् ।

थपिएका संक्रमितमा भरतपुर महानगरपालिकाका विभिन्न वडाका ११ महिला र ८ पुरुष गरी १९ जना र राप्ती नगरपालिकाका ३ जना पुरुष छन् ।

उनीहरुको भरतपुर अस्पताल र वीपी कोइराला मेमोरियल क्यान्सर अस्पताल भरतपुरबाट स्वाब संकलन गरिएको थियो ।

नवलपरासी पूर्व, पर्वत, पर्सा र मकवानपुरका १–१ जनाका कोरोना पुष्टि भएको अस्पताल प्रमुख डा. नितु अधिकारीले जानकारी दिइन् ।

नवलपुरका ४० वर्षीय पुरुषको मध्यविन्दु अस्पतालबाट स्वाब संकलन गरिएको थियो भने बाँकी तीन जनाको वीपी कोइराला मेमोरियल क्यान्सर अस्पतालबाट स्वाब संकलन गरिएको हो ।  उनीहरु अस्पताल अएका बिरामी हुन् ।