पाटन अस्पतालको आइसोलेसनमा रहेका एक कोरोना संक्रमितको मृत्यु

काठमाडौँ । लतितपुरस्थित पाटन अस्पतालको आइसीयूमा उपचाररत कोरोना संक्रमितको मृत्यु भएको छ । 

वीरगन्जका महामनगरपालिका–९ माइस्थानका ४५ वर्षीय पुरुषको बिहीबार दिउँसो ३ः३० मा मृत्यु भएको जिल्ला स्वास्थ्य कार्यालय ललितपुरले जानकारी दिएको छ ।

मृतकमा सुगर र प्रेसरको समस्या समेत रहेको  जनस्वास्थ्य कार्यालय ललितपुर स्रोतले जानकारी दिएको छ । उनलाई साउन १७ गते पाटन अस्पताल भर्ना गरिएको थियो ।

मृतकको बिहीबार राति नै पशुपतिमा दाहसंस्कार गरिएको स्रोतले जानकारी दिएको छ ।ललितपुरमा मृत्यु हुनेको संख्या ८ पुगेको छ । त्यस मध्ये  ३ जना ललतिपुरकै स्थानीय हुन् ।