भारतमा नक्कली रक्सी पिउँदा ३८ जनाको मृत्यु

पन्जाबको अमृतसर, बटाला र तरन तारण जिल्लामा नक्कली रक्सी पिएका ३८ जनाको ज्यानको ज्यान गएको भारतीय संचार माध्यमले जनाएको छ । मुख्यमन्त्री क्याप्टेन अमरिन्दर सिंहले घटनाको बारेमा अनुसन्धान थाल्न निर्देशन दिएका छन् । उनले रक्सी बनाइने ठाउँमा अनुसन्धान गर्न निर्देशन दिँदै घटनामा संलग्नलाई कडा कारबाही गर्ने बताएका छन् ।

भारतकै आँन्ध्र प्रदेशमा लकडाउनका कारण सेनेटाइजरको रक्सी बनाएर पिउँदा १० जनाको ज्यान गएको छ । उक्त घटनापछि शहरको सेनिटाइजर स्टकलाई नियन्त्रणमा लिएर प्रहरीले अनुसन्धान सुरु गरेको छ ।

मानिसहरुको मृत्यु भएपछि राज्य सरकारले न्यायिक छानबिनको आदेश दिएको छ । प्रहरीले घटनाबारे अनुसन्धान गरिरहेको जनाएको छ । आन्ध्र प्रदेशको प्रकाशम जिल्लाको कुरीचेदु गाउँमा सेनेटिजाइटर पिउँदा १० व्यक्तिको मृत्यु भएको हो ।