‘चिनी कम रङ कडा’ अमेजन प्राइम भिडियोमार्फत रिलिज

काठमाडौं । चलचित्र ‘चिनी कम रंग कडा’ अमेजन प्राइम भिडियोमार्फत रिलिज भएको छ । हाल अमेरिका र बेलायतमा मात्र हेर्न मिल्ने गरी चलचित्र रिलिज गरिएको हो ।

गीत र टिजर सार्वजनिक भइसकेको चलचित्र नेपालमा भने केही समयपछि प्रदर्शन गरिने निर्माण पक्षले जनाएको छ । चलचित्रमा मानव सुबेदी, सुशील सिटौला, अनु थापा, रविन जङ्ग थापा, सूर्य थापा, जीवन भट्टराई, प्रकाश भुजेल लगायतका कलाकारको अभिनय छ ।

गणेश देव पाण्डेको निर्माण तथा लेखन रहेको चलचित्र मानव सुवेदीको सङ्गीत छ भने सुशील सुबेदीको शब्द रहेको छ । ‘चिनी कम रंङ कडा’ मा याचोपो रचलिक र लुका मौचेरीको छायाङ्कन, कृष्ण भण्डारीको सम्पादन रहेको छ ।

गणेशदेब पाण्डेको लेखन र निर्माण रहेको यो फिल्म अहिले अमेजन प्राइम भिडियोमार्फत अमेरिका र बेलायतमा प्रदर्शन सुरु भएको छ । फिल्म ‘चिनी कम रंग कडा’ ले दर्शकको मन जित्ने र केही समयपछि नेपालमा नेपाली दर्शकले पनि हेर्न पाउने निर्देशक विवेक घिमिरेको भनाई छ ।