थप ४२५ जनामा काेराेना संक्रमण पुष्टि, कूल संख्या ५,७६० पुगे

काठमाडौं । नेपालमा थप ४२५ जनामा कोरोनाभाइरस संक्रमण पुष्टि भएको छ । संक्रमितमा ३७५ पुरुष र ५० जना महिला रहेका छन् ।

स्वास्थ्य तथा जनसंख्या मन्त्रालयका प्रवक्ता डा जागेश्वर देवकोटाले आइतबारको नियमित प्रेस ब्रिफिङमा सो जानकारी दिएका हुन् ।

यो सँगै नेपालमा कोरोनाभाइरस संक्रमितको कूल संख्या ५,७६० पुगेकाे छ ।

जसमा पुरुष ५,३२४ र महिला ४३६ रहेका छन् ।

नेपालमा कोरोना निको हुनेको कूल संख्या ९७४ पुगेको छ । निको भएर घर फर्किनेमध्ये पुरुष ८७७ जना र महिला ९७ जना रहेको गौतमले जानकारी दिए ।

यसै संगै मृतकको संख्या कूल १९ पुगेको मन्त्रालयले जनाएको छ ।