१३ जना बोकेको भारतीय वायु सेनाको जहाज हरायो

नयाँ दिल्ली । १३ जना बोकेको भारतीय वायु सेनाको जहाज हराएको छ ।  भारतीय वायु सेनाको एउटा जहाज सोमबार दिउँसो हराएको हो । पूर्वी भारतको असमको एक सैन्य बेस क्याम्पबाट ८ जना चालक दलका सदस्य र पाँच यात्रु बोकेको उक्त जहाज  सोमबार दिउँसो १ बजेदेखि हराइरहेको भारतीय सञ्चारमाध्यमले जनाएका छन् ।

उक्त जहाज अरूणाञ्चलको मेचुका उपत्यकाका लागि उडेको थियो । टेक अफ भएको केहीबेरमै जहाज सम्पर्कविहीन भएपछि खोजी कार्य भइरहेको जनाइएको छ । मेचुका उपत्यका अरूणाञ्चलमा चिनियाँ सीमानजिकै पर्छ ।