तीन जना फ्रान्सेली नागरिकलाई मृत्युदण्ड दिइने

काठमाडौं । इस्लामिक आतंकवादी समूहमा आबद्ध भएको आरोपमा इराकको एक अदालतले तीन जना फ्रान्सेली नागरिकलाई मृत्युदण्ड दिने सजाय सुनाएको छ ।

मृत्युदण्डको सजाय पाउने तीन जना गत फेब्रुअरीमा सिरियामा तैनाथ अमेरिकी सेनाले कब्जामा लिएर इराक पठाएको थियो । तीमध्ये ३२ वर्षीय गोनोट पूर्वी फ्रान्समा बसोबास गर्दै आएका व्यक्ति रहेको बताइएको छ ।

उनी टर्की हुँदै सिरिया पुगेर आतंकवादी समूह नुर्सा फ्रन्टमा आवद्ध भएको खुलासा भएको छ । उनी सन् २०१७ मा पक्राउ परेका थिए । उनलाई फ्रान्सको अदालतले पनि ९ बर्षको जेल सजाय तोकेको थियो ।

यसैगरी ४१ बर्षिय माचाओ इराक, सिरिया र ब्रसेल्समा हमला गर्ने व्यक्तिमध्येका एक भएको बताइएको छ । मृत्युदण्डको सजाय पाउने अर्का ३२ वर्षीय लोपेज सिरिया पुग्नुअघि इराकको मोसुलमा रही आतंकवादी गतिविधीमा संलग्न ब्यक्ति हुन् ।(एजेन्सी)