श्रीलङ्का सरकारले लगायो सामाजिक सञ्जालमा प्रतिबन्ध

श्रीलङ्का । श्रीलङ्कामा शृङ्खलाबद्ध विस्फोटनको केही समयपछि मिथ्या समाचार फैलिन थालेपछि सरकारले समाजिक सञ्जाललाई प्रतिबन्ध लगाउने कठोर निर्णय लिएको छ । मिथ्या समाचारलाई फैलनुबाट रोक्न फेसबुक, ह्वाट्सएप, इन्स्टाग्राम, युट्युब, स्न्यापच्याट र भाइबरमाथि प्रतिबन्ध लगाएको हो ।

समाजिक सञ्जालमाथि सरकारले लगाएको प्रतिबन्ध कहिले हट्छ भनेर बताएको छैन । आइतवारको आक्रमणमा तीन सयभन्दा धेरैको ज्यान गएपछि प्रधानमन्त्री रनिल विक्रमसिङ्घले नागरिकहरूलाई अप्रमाणित समाचार र अनुमान नफैलाउन अनुरोध गरेका थिए ।

उनको आग्रहपछि सरकारले समाजिक सञ्जालमाथि पूर्ण प्रतिबन्ध लगायो । सरकारले प्रतिबन्ध अस्थायी भएपनि अनुसन्धान नसकिएसम्म रहने बताएको छ । अन्य समाजिक सञ्जाजति चर्चित नभएको कारण ट्विटरमाथि भने प्रतिबन्ध लगाइएको छैन ।

श्रीलङ्कामा सामाजिक सञ्जालमाथि प्रतिबन्ध लगाइएको यो पहिलो पटक भने होइन । एक वर्षअघि मुस्लिम समुदायमाथि हिंसा बढेको बेला फेसबुकमाथि केही समय प्रतिबन्ध लगाइएको थियो ।

सामाजिक सञ्जालहरूले सार्वजनिक बहसलाई सशक्ता बनाएको आरोप लगाउने पत्रकार कारा स्विसरले न्यूयोर्क टाइम्समा लेख्दै धेरै महत्त्वपूर्ण सूचनाहरु सामाजिक सञ्जालमा फैलिने भएकोले प्रतिबन्ध अपराधपूर्वको कठोर कदम भनेकी छन् ।

श्रीलङ्कामा जस्तो सरकारले हतारमा निर्णय लिँदा सूचनाको स्वतन्त्र प्रवाहमा असर पार्ने बताएका छन् । सामाजिक सञ्जाल सरकारी सेन्सरशिपबीचमा सूचनाको प्रजातान्त्रिकीकरणमा महत्त्वपूर्ण शक्ति हो। तर यसको अर्थ यो राम्रो मात्रै भएका भने होइन ।

घृणायुक्त अभिव्यक्ति फैलिरहेका छन् र फेसबुक त्यसविरुद्ध नराम्ररी हारेको छ । श्रीलङ्कामा ह्वाट्सएप प्रचलित छ र फेसबुक इन्टरनेटको अङ्ग होइन, धेरैका लागि इन्टरनेट नै हो । यसको अर्थ थुप्रै मानिसहरू महत्त्वपूर्ण सूचना आदान प्रदान गर्न यसमा निर्भर छन् ।

यूकेमा बसिरहेको एउटा परिवारले सामाजिक सञ्जालमा कुनै सम्पर्क नभएपछि श्रीलङ्कामा रहेका नातेदारहरूलाई फोनमा सम्पर्क गर्नुपरेको बताएको छ।