क्यान्सरका कारण स्वास्थ्यमन्त्रीकी बुहारी मनीषा यादवको २८ बर्षको उमेरमा मृत्यु

काठमाडौं । उपप्रधान एवं स्वास्थ्य तथा जनसंख्या मन्त्री उपेन्द्र यादवकी बुहारी मनीषा यादवको क्यान्सरको कारण निधन भएको छ । मन्त्री यादवका छोरा अमरेन्द्र यादवकी २८ वर्षिया पत्नि मनीषा यादवको वोन क्यान्सरका कारण मृत्यु भएको हो ।

मनीषालाई ३ वर्षअघि क्यान्सर भएको पत्ता लागेको थियो । करिव डेढ वर्ष भारतको एम्स अस्पतालमा उपचारत मनीषाको स्वास्थ्य अवस्थामा सुधार आएपछि नेपला ल्याएको थियो ।

स्वास्थ्यमा फेरि समस्या देखिएपछि मनीषालाई ३ दिनअघि भक्तपुर क्यान्सर अस्पतालको आस्मिक कक्षमा भर्ना गरिएको थियो । उनको मंगलवार दिउँसो ३ बजे उपचारकै क्रममा मृत्यु भएको मन्त्री यादवका प्रेस संयोजक महेश चौरासीयाले बताए ।

चौरासियाका अनुसार मनीषाको मंगलवारै साँझ पशुपति आर्यघाटमा अन्तिम संस्कार गरिने छ ।