घरमा आगलागी हुँदा ३ लाख बराबरको क्षति

दाङ । क्षतिराप्ती गाउँपालिका–१ पाखापानी निवासी कासीराम कुमालको घरमा भएको छ । गए राति आगलागी हुँदा तीन लाख बराबरको क्षति भएको जिल्ला प्रहरी कार्यालयले जनाएको छ ।

प्रहरी नायब उपरीक्षक रामप्रसाद घर्तीका अनुसार खरले छाएको घरको भान्साकोठामा बालेको आगोबाट अचानक आगलागी भएको हो ।

आगलागी हुँदा घरमा रहेका १०/१२ वटा कुखुरा, अन्नपात, लत्ताकपडा, जिन्सी सामान जलेकोे छ ।

प्रहरी तथा स्थानीयवासीको सक्रियतामा गए राति नै आगो नियन्त्रणमा लिइएको हो ।