सुत्नुअघि गर्नुस् यी पाँच काम, आउनेछ राम्रो निद्रा

सुत्न समस्या भएमा यहाँ बताइएका टिप्स अपनाएर आनन्दको निद्रा पाउनुहुन्छ । 

मनतातो पानीले नुहाउने
दिनभरि काम गरेर थाकेपछि मनतातो पानीले नुहाउँदा शरीरले आराम पाउँछ अनि राम्रो निद्रा लाग्छ । सुत्नुभन्दा दुई घन्टाअघि मनतातो पानीले नुहाउनुभयो भने शरीरको तापक्रम सामान्य हुन्छ । अनि राम्रो निद्रा लाग्छ । 

ल्याभेन्डरको तेल
मूड राम्रो राख्न अनि राम्रो निद्रा ल्याउन ल्याभेन्डरको तेल गजब हुन्छ । हत्केलामा ल्याभेन्डरको तेलका केही थोपा लिएर सुँघ्नुभए हुन्छ । 

तातो दूध र मह
जाडोमा तातो दूध र मह सेवन गर्दा राम्रो निद्रा लाग्छ । दूधमा अमिनो एसिड ट्रिप्टोफ्यान पाइन्छ र यसले प्राकृतिक रूपमा व्यक्तिलाई शान्ति र आनन्दको अनुभव गराउँछ । 

हर्बल चिया
राति सुत्नुअघि हर्बल चिया पिउँदा अनेकौं फाइदा हुन्छन् । यसको सेवनले शरीरलाई शान्ति प्राप्त हुन्छ र राम्ररी निद्रा लाग्छ । 

म्याग्नेसियम
राम्रो स्वास्थ्यका लागि म्याग्नेसियम मिनरलको ठूलो महत्त्व छ । यसले मांसपेशीहरूलाई आराम दिन्छ । अनि तनाव पनि कम गर्छ । अनेकौं अध्ययनका प्रतिवेदनहरूले म्याग्नेसियम व्यक्तिको निद्रा चक्रका लागि लाभदायक रहेको देखाएका छन् । ओखरमा म्याग्नेसियम हुन्छ । 

सुत्नुअघि यी गल्ती नगर्नुस् :

सुत्नुअघि क्याफिन र अल्कोहल सेवन नगर्नुस् । 

राति जहिले पनि हलुका खाना खानुस् । 

सुत्नुभन्दा दुई घन्टा पहिले खाना खाइसक्नुस् । 

सुत्नुअघि टीभी र मोबाइल नचलाउनुस् ।

एजेन्सी