कागतेमा निःशुल्क स्वास्थ्य शिविर सम्पन्न

धनकुटा । धनकुटा नगरपालिका वडा नं. ३ स्थित कागतेमा निःशुल्क स्वास्थ्य शिविर सम्पन्न भएको छ ।

सो शिविरमा विभिन्न रोगका १ सय ९२ जनाको स्वास्थ्य परिक्षण गरी उपचार गरी औषधी समेत वितरण गरिएको थियो ।

समृद्धि यूवा क्लव कागतेको आयोजना र धनकुटाको नगरपालिकाको वडा नं. ३ को आर्थिक सहयोग तथा स्पर्श हेल्थ होम फिजियो थेरापी एण्ड रिह्यावीलिटेशन सेन्टर धनकुटा –७ को प्राविधक सहयोगमा मंगलबार सो स्वास्थ्य शिविर सम्पन्न भएको थियो ।