इन्धन ढुवानीको जिम्मा अब सेनालाई

काठमाडौं । नेपाल सरकारले नेपाली सेनालाई इन्धन ढुवानी गर्न जिम्मा दिने भएको छ । शान्ति सुरक्षाको जिम्मेवारी पाएको सेनालाई सरकारले इन्धन ढुवानी गर्न दिन लागेको हो ।

निजी क्षेत्रले पेट्रोल, डिजेल, मट्टितेल, हवाई इन्धन ढुवानी गर्दे आएकामा अब ढुवानीको जिम्मा सेनालाई दिन लागिएको उद्योग वाणिज्य तथा आपूर्ति मन्त्रालयले जनाएको छ ।

सेनाको कल्याणकारी कोषलाई पेट्रोलियम पदार्थ ढुवानी गर्ने ट्यांकर सञ्चालन अनुमति दिने प्रक्रिया अघि बढाउने निर्णय भएको मन्त्रालयले जनाएको छ ।

नेपाल आयल निगमको करारमा राखेर सञ्चालन गर्न सेनाले आवश्यक प्रक्रिया आगडि बढाउने निर्णय भएको बताइएको छ ।

नेपाली सेनाले कतिपय विकास निर्माणको काम समेत गर्दै आइरहेको छ ।