फेशनमा आफ्नो वर्चश्व जमाउँदै नितेन्द्र

काठमाडौं । उपत्याकाभित्र पनि फेशन सो होला भन्ने लाग्दैन । त्यसमा पनि मधेशी समुदायलाई समेट्ने गरी फेशन सो गर्न त्यति सजिलो छैन । तर, एक जना यस्ता प्रतिभा छन्, जसले जनकपुर जस्तो ठाउँमा ‘जनकपुर फेशन विक’ गराए ।

लामो समयदेखि फेशनको क्षेत्रमा काम गर्दैै आएका कर्णले जनकपुर जस्तो ठाउँमा नेपालमै पहिलो पटक रेट कार्पेट फेशन सो गराए । जुन फेशन सो काठमाडौंमा हुन सकिरहेको छैन ।

उनी विभिन्न फेशन सोहरुमा भाग लिँदै आएका छन् । उनले मिष्टर एण्ड मिस सेन्ट्रल, मिष्टर एण्ड मिस ग्लायमर आइकन जस्ता विग फेशन सोहरुमा सहभागिता जनाएका छन् ।

मधेशी समुदायभित्र अझैं पनि फेशन सो वा मोडलिङमा लागेर जिविकोपार्जन हुन सक्दैन भन्ने छ । तर पनि त्यसलाई चिर्दै कर्ण निरन्तर फेशन सोहरुमा भाग लिँदै आएका छन् । ‘पहिले त फेशन सो भनेको अल्मलिने बाटो हो भनिन्थ्यो’ उनले भने, ‘अहिले विस्तारै यो हट्दै गएको छ ।’

उनी अहिले विश्वास्त भइसकेका छन् की अब फेशन सोलाई जिविकोपार्जनको माध्यम बनाउन सकिन्छ । त्यही भएर उनी निरन्तर मोडलिङमार्फत ¥याम्पमा उत्रिने गरेका छन् । ‘म कलाको विकास हुनुपर्छ भन्ने मान्यता राख्छु’ कर्णले निशान न्युजलाई भने, ‘तर, समाजले परिहनलाई हेर्ने दृष्टिकोण परिवर्तन गर्न सकेको छैन ।’