केहि दिनदेखि लगातार घटेको सुनको भाउ बढ्यो

काठमाडौँ । साताको पाचौँ दिन अर्थात बिहिबार सुनको भाउ तोलामा ४ सय रुपैयाँ बढेको छ । सुन तोलाको ५६ हजार २ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

बुधबार तोलामा २ सय रुपैयाँ घटेर ५५ हजार ८ सय रुपैयाँमा कारोबार भएको सुनको भाउ बिहीबार तोलामा ४ सय रुपैयाँ बढेको हो । यस्तै तोलामा ५ रुपैयाँ बढेर चाँदी तोलाको ७ सय ६५ रुपैयाँमा किनबेच भइरहेको छ ।